السبت، 11 فبراير، 2017

Does My Head Look Big In This? by Randa Abdel-Fattah - مارأيكم في شكلي الآن؟ - رندة عبد الفتاح




Does My Head Look Big In This?


My rating: 3 of 5 stars




أفلام هوليوود عن المراهقين والمراهقات ..
حياتهم و روتين المدرسة اليومي بأحداثه وغلاسة البنات البلاستيك و حواديت عن الواد الحليوة الفانتاستيك كل الآحداث المشابهة بأفلام زي

Rebel Without a Cause (1955)
Mean Girls (2004)
American Pie (1999)
Clueless (1995)
Juno (2007)
Never Been Kissed (1999)
Grease (1978)

ووووو كتييييير أوي

منها اللي لسه معلق معانا ومنها اللي قضينا وقت لطيف وعدى وفات
الكتاب بيحمل نفس الفكر ونفس التفاصيل لكن مع اختلاف واحد غيــّــر انطباع الفكرة الرئيسية وعمق رسالة المؤلفة .. 



القصة :

قصة البنت المسلمة اللي من أصول عربية لكن مولوده وعايشة في بلد غربي وبعد أحداث سبتمبر بسنة بتاخد قرار انها تلبس الحجاب بالتزامن مع بداية السنة الدراسية ، القرار اللي بيعتبر صدمة لكل اللي حواليها أولهم أهلها وكيفية تعاملها مع ردود أفعال زمايلها في المدرسة وجيرانها وهل بتقدر تثبت على قرارها فعلا ولا الظروف بتكون أقوى ف تغير رأيها ...



لينك فيديو المراجعة على اليوتيوب 



الكتاب لطيف جدا وواخد الى حد ما في أغلب صفحاته اتجاه كوميدي أضاف إليه خفة دم مش ظريفة للغاية لكنه بسيط جدا على عكس توقعاتي أنه ممكن بيحمل أفكار أو حوارات قوية بالعكس خالص ابتعدت تماما عن كل ده واكتفت بكلام يكاد يكون سطحي بالنسبة لينا عن الاسلام أوحتى الديانات عموما لكنه كان بيحمل بعض الاجزاء والمواقف الانسانية الجميلة والخفيفة أيضا .
المؤسف بالنسبة ليا اني قررت اقارن الكتاب بالنسخة المترجمه وللاسف الموضوع كان شبه فاشل ومستفز في أغلب الأوقات ،

** مابين ترجمة اسماء الاغاني والممثلين والافلام بحروف العربي حسب نطق المترجمه
( للمثال وليس الحصر)

Friends = فريندز
Take my breath away = تيك ماي بريث أواي
Scanner = السكانر

** ومابين ترجمة بعض التعبيرات والمصطلحات الشبابية المنتشرة بطريقة مريبة جدا مثال

Give me a break = امنحني راحة
صفحة 30


المترجمة زوينا الطوية الحقيقة يُــحتسب لها إنها حاولت تنقل جو المرح والروشنة اللي في الكتاب للغة العربية الفصحى لكني شخصيا مش عارفة اتقبل بتاتاً اللغة مع لون وإيقاع كتاب بالشكل ده وعلى ما أعتقد - من وجهة نظري - إن المشكلة كانت في اختيار المادة للترجمه من الأساس عن طريق دار النشــرنفسه ومش مشكلة مترجمه ..
في النهاية نصيحتي لأي شخص فعلا ناوي يجرب حظه مه الكتاب وياخد فكرة عنه وبيعرف يقرا انجليزي يبقى بلاش من الأول كده تجازف مع الترجمة .