الخميس، 29 ديسمبر 2016

تحت سماء كوبنهاغن للكاتبة حوراء النداوي - كتاب قبل النوم جودريدز


My rating: 2 of 5 stars


description

سمعت عن الكتاب طبعا خصوصا بسبب ترشيحه لجايزة البوكر العربية لكن ماحاولتش اقرأه لحد اقتراح مجتمع البوكتيوبرز العرب على تويتر إنه يكون كتاب الشهر وكالعادة توقعت كثير وللأسف تم خذلي برضه كعادة أغلب ما قرأته مؤخرا .. مش عارفة المشكلة فياّ ولا إيه ؟ .. ولكن الوضع هنا في رواية تحت سماء كوبنهاغن اختلف لأن البداية كانت موفقة جدا جدا بل فوق الوصف كمان


لينك فيديو المراجعة على اليوتيوب





لينك المراجعة على البلوج

الكاتبة أبدعت في نقل حالة أهل المهجر أو الجالية العراقية في الدنمارك وساعدها طبعا موهبتها ولغتها الجميلة وجايز انطباعي بكون كل ماكان بالبداية هو حقيقي بسبب معرفتي بخلفية حياة الكاتبة نفسها وإن الأحداث تتشابه بطريقة ما ..
مشكلتي بدأت مع بداية انتقال بطلة الرواية هدى لفترة المراهقة وحتى نهاية الرواية استمرت الأحداث بالانهيار وتحولت الرواية إلى كتاب سيرة ذاتية أو الأفضل أن نوصفها بالخواطر،وانحرفت حوراء عن الفكرة الهامة من وجهة نظري واللي هي حياة المهجر وعمق عرضها لقصة حب عادية بين امرأة ورجل متزوج غير راض عن زواجه ف انتقصت من قيمة الرواية وهدفها
......
هدى اللي قررت كتابة مذكراتها في شكل رواية وترجمتها للغة العربية بتتصل نتـيّــا عن طريق الايميل بالشخصية الرئيسية الثانية وهي رافد الراجل المتزوج عراقي الجنسية ومهاجر أيضا للدنمارك، ومع بداية تلك اللحظة تتحرك مشاعره إلى هدى واللي بيكتشف عنها وعن حياتها الكثير من خلال ترجمته للنص طبعا وبيقع في غرامها .. قصة حب غير منطقية ومااقدرتش لا اتفاعل مع الشخصيتين ولا أفهم أعذارهم أو أهدافهم ، بالتالي في النهاية للأسف الرواية كانت محبطة ليــّا وكنت اتمنى لو استمر الكلام عن معاناة عرب المهجر بصورة أطول




الأربعاء، 28 ديسمبر 2016

The Girl on the Train Paula Hawkins - ketabablelnoom on Goodreads


My rating: 3 of 5 stars


من بداية السنة وإعلانات نزول الفيلم السينيمائي وكالعادة بيبدأ الجدل ما بين معجبين الرواية أو الكتاب والعمل الأصلي وبين معجبين العمل المقتبس حولين كل النقاط الممكن والغير ممكن الخلاف علي

description

قراء كثير انزعجوا من الجزء الأول في الرواية بسبب بطء وتيرة الأحداث وتكرار المواقف والجمل


لينك فيديو المراجعة على اليوتيوب






لينك المراجعة على البلوج

لكن تفهمت طبيعة بطء البداية واللي اتصور انها مقصودة وملائمة لتقديم الشخصية الرئيسية وطابع حياتها والحقيقة لم أندهش بتحويلها لفيلم سينيمائي لانها تشبه كثير من أفلام الإثارة والتشويق المنتشرة حاليا في كذا حاجة ومن هنا يجي ارتباطها مع ناس كتير بقصة
( Gone Girl )
مع فارق هائل - من وجهة نظري - في الحبكة والنقلة الدرامية ورسم الشخصيات ، الصراحة الرواية مش زي ما سمعت عنها استثنائية بالعكس عادية جدا وشبه أقرانها من القصص البوليسية المعقدة لأجاثا كريستي أو أفلام هيتشكوك مع احترامي الكبير للأعمال دي والفوارق اللي بينهم طبعا ،لكن هي فعلا لم تأتي بجديد بالمرة بس ما أنكرش استمتاعي بالتخبط المقرون لآراء كل واحده من الثلاث سيدات خاصة وكونهن لسن مصدر ثقة بسبب أفعالهن واختيارتهن مرة بعد مرة ، ومع الوقت كنت محتارة هل من المفروض الحكم عليهن واحتقارهن أم التعاطف معهن وتقبل إحساسهن بالذنب والرغبة في التوبة وترك الخطيئة.




الثلاثاء، 27 ديسمبر 2016

وقالت لي للكاتبة دعاء عبد الرحمن - كتاب قبل النوم جودريدز


My rating: 2 of 5 stars



في الحقيقة الرواية كانت مسلية إلى حد ما لكن معرفتش تأثر فيا ولا علقت براسي أي من أحداثها ومن وجهة نظري هي فعلا أشبه بأفلام ديزني المخصصة للعائلة
لكن مع توجه إسلامي أو جو من الالتزام وده اللي شهر مقولة الرومانسية الحلال طبعا لاحتوائها على الوعظ الديني وإن كان غير مباشر خاصة في الرواية دي على غير اللي قبلها


لينك الريفيو على اليوتيوب :





لينك الريفيو على البلوج :


ده مش عيب ولا عندي مشكلة مع المبدأ أو الأسلوب خاصة إنه من الواضح ليه موريدين ومعجبين كتير أوي وعلى ما أعتقد إن ده في حد ذاته نجاح وإن كان لم يعجبني الشكل المكتوبة بيه لكن ما اقدرش انكر الحقيقة ، للأسف الحبكة كانت طفولية وغير مقنعه بالنسبة لي وبالتالي في النهاية أعتقد إن نجمتين كفاية جدا
ومن ضمن الأفكار اللي خطرت على بالي أثناء القراءة هي اختلاف خيال القراء و الناس اللي بتتخيل العالم الغامض ده على منوال ريهام سعيد وحلقاتها عن العفاريت والجن وماشابه واللي جايز الكاتبة حاولت تشير إلى نفس الفكر المتخلف من خلال الأحداث وأمور الشعوذة وشيوخ المنصر المنتشر خاصة في المناطق الشعبية وأهلها




الاثنين، 26 ديسمبر 2016

في ممر الفئران للكاتب أحمد خالد توفيق - كتاب قبل النوم جودريدز


My rating: 4 of 5 stars


رواية ديستوبية جديدة للعراب والحقيقة انها شدتني من الصفحات الأولى واعتراف جايز يكون غريب لكني ماكنتش من عشاق ماوراء الطبيعة ولا قريت قبل كده نسخة أسطورة أرض الظلام - اللي هي أصل رواية في ممر الفئران - مش عارفة اذا كان موقفي ضعيف ولا قوي بعد المعلومة دي للحكم فعلا على كتابة وأسلوب دكتور احمد خالد توفيق

description


لينك فيديو المراجعة على اليوتيوب






لينك المراجعة على البلوج

الرواية فكرتني بأفلام ومسلسلات كتير أجنبية خصوصا موضوع نهاية العالم والنيزك جو فيلم
Armageddon وApocalypse
حتى موضوع غيبوبة الشرقاوي وانتقاله لبعد تاني فكرني جدا بمسلسل بريطاني كنت بحبه اسمه
Life on Mars
لكن طبعا مش معنى ان الرواية مشاهد او افكار فيها فكرني بحاجة تانية انها فاشلة او بتقلد ابدا اي حد بيقرا فاهم ومدرك ان الافكار بتتكرر وتتلاقى في نقط وتختلف في غيرها .
عجبني - عكس معظم الناس - السوداوية والنهاية المنطقية بالرغم من استيائي بس من نقطة تحول شخصية الشرقاوي كنت حاسة انها محتاجة تمهيد أكتر او علامات ، الصور طبعا وتفاصيل العالم الجديد المخلوق في الظلام وطريقة التعاملات تكيف البشر مابعد النيزك ومن الحاجات اللي استفزتني وشفت انها ملهاش لازمة قصايد نجوان مش عارفة ليه كانت تقيلة على قلبي .. تساؤل لماذا انقرضت الديناصورات صفحة ١٤٢ عجبني جدا وطريقة شرح النظريات الثلاثة ...
في النهاية من رأيي إننا محتاجين كتب شبهها وفن مليان اسقاط ورموز تعيد لينا من تاني قيمة الأدب وشحن الأدمغه بدل ما كل حاجة بقت مباشرة ومملة




الأحد، 25 ديسمبر 2016

I Am Malala by Malala Yousafzai - ketabablelnoom on Goodreads


My rating: 3 of 5 stars


مالالا رمز الشجاعة




من أكثر ما أعجبني في الكتاب ،ذكره التفاصيل الصغيّرة عن كل شئ له صلة بمالالا ووصفها الدقيق لقريتها وبيتها ومدرستها وعن شخصيات كثيرة مرت بحياتها واللي خلاني أعيش وأسرح بخيالي معاها جوه كل صورة مرسومة وسط سطور الكتاب بالاضافة للصور الفعليه الموجودة داخل صفحات الكتاب نفسه واللي بعتبرها دايما اضافة سحرية لكل كتب السيرة الذاتية.

لينك من البلوج





لينك الفيديو على اليوتيوب

لكن الأمور كلها زي ما لِها إيجابيات ممكن تحمل سلبيات في نفس الوقت،وهنا بتكلم على نفس التفاصيل اللي عجبتني وكم المعلمومات المذكور في بدايات الكتاب عن تاريخ باكستان وبالرغم من كوني معجبة بكل تلك الاضافات والتفاصيل إلى إني لا يمكن أنكر كونها أطالت الكتاب جدا وقد تعتبر واحده من أهم السلبيات المعدودة اللي ممكن حد يمسكها على الكتاب.

الكتاب دفعني لمشاهدة الفيلم الوثائقي اللي تم إنتاجه سنة 2015 عن قصة حياة مالالا وأظهر تأثرها بوالدها وحقيقة كونها مجرد فتاة مراهقة صغيرة تهتم بنفس الأمور البسيطة اللي بيتهموا بيها نفس البنات اللي في سنها وده أظهر الجانب الإنساني بشكل لطيف من ناشطة بتنادي وتطالب بحقوقها وحقوق كل من مثلها في حق التعليم والحريات عموما.
في النهاية .
وبالرغم من كون نوعية الكتب الخاصة بالسرة الذاتية مش نوعي المفضل لكن الكتاب أعجبني جدا واستمتعت بقرائته الأسبوع اللي فات وأنصح بيه كل من له فضول حولين قصة مالالا يوسفزاي ونضالها للتعليم ضد طالبان وكل المتعصبين الدينين باسم الإسلام تصورا منهم بتحقيق الفضيلة وأوامر الشريعة، لكن أي شريعة تنادي بالجهل.
وأخيرا أتعجب للغاية بموقف من مثلنا في مصر خاصة بعد سنة التسريب بامتحانات الثانوية العامة في مصر والاستهتار اللي وصل بيه المجتمع في حين إن في ناس زي مالالا مستعدين للدفع بأرواحهم ثمن للحصول على العلم والمعرفة.
وعجبي يازمن




السبت، 24 ديسمبر 2016

The Secret by Rhonda Byrne - ketabablelnoom on Goodreads


My rating: 2 of 5 stars



من فترة بعاني من صعوبة التركيز في قراءة أي كتاب مهما كان ممتع بسبب الاكتئاب وتم ترشيح لي كتاب السر أو
The Secret
من صديقة وزميلة بالعمل لأنه كتاب سهل وعلى رأيها شيق والصراحة كان من الصعب عليّــا إكمال قرائته بس المرة دي مش بسبب التركيز كان بسبب الملل الشديد لكن قررت اضغط على نفسي وأكمله ف بدأت أسمع ولأول مرة نسخة
Audio book
والتجربة كانت مميزة بالنسبة ليا واكتشفت اني ممكن اكمل باقي الكتب اللي نفسي اقراها الفترة اللي جاية بنفس الطريقة لو لقيت ليها طبعا نسخة مقروءة ..

** لينك باقي الريفيو من البلوج





** لينك الريفيو على اليوتيوب

بالنسبة لموضوع الكتاب فهو مش جديد وتعرضت لاجزاء كتير قبل كده او بمعنى أدق
Quotes
واتفرجت كمان على الفيلم والمصنف إنه (وثائقي )عن الكتاب برضه
لكن فكرة الكتاب بتفكرني جدا بخيال عالم أفلام
Star Wars
و خصوصا بذكرهم أحيانا لكلمة
The force = The power = Energy
كلها في النهاية مسميات واحده وبتوصل لنفس النتيجة .. خليك عايش في خيالاتك وأوهامك واحلم باللي نفسك بيه وهو ح يجي لحد عندك


ماكانش حد غلب لو ده الحل يبقى مشاكل الدنيا كلها خلصت ..
ومع احترامي للناس اللي ربطت الموضوع بالدين الإسلامي وإنه فيه كلام شبه كده خصوصا في جزء التفاؤل وما شابه بس أكيد ربنا مش عاوزنا نتخيل - زي ما ذكر في الكتاب ده - لو نفسك في عربية تخيل العربية وشوف نفسك بتركبها كل يوم وحس بإنك سايق العربية و
BLAH BLAH BLAH ...
في النهاية شئ محزن إن كتاب شبيه تم فعلا الدعاية ليه بالملايين اذا ماكنش مليارات وهو مش بيحتوي غير على خرافات من وجهة نظري ودليل إضافي على حجم البؤس اللي وصلوا إليه البشر على مستوى العالم .. غرقان لقى قشه يتعلق بها ..





مشترياتي من الكتب بوك تاق Book Haul & TBR book tag - كتاب قبل النوم

مشترياتي من الكتب بوك تاق
Book Haul & TBR book tag


مشترياتي من الكتب لهذا الشهر شهر ديسمبر 2016 
- book haul

اسمي ديـــنا حــمدي في الحلقة رقم 11 من حلقات كتاب قبل النوم لمراجعات الكتب المختلفة او كما يقولون بوك ريفيو (Book review) عرضت عليكم مشترواتي للكتب الجديدة من روايات وكتب للسيرة الذاتية بالاضافة لما سأقرأه في المستقبل من كتب 
- TBR : to be read , book tag

   

 1- كتاب شهر ديسمبر مع مجتمع البوكتيوبرز العرب هو فئران أمي حصة للكاتب الكويتي سعد السنعوسي وتابعوا نقاش الرواية آخر الشهر..
 لينك مجتمع البوكتيوبرز العرب على تويتر >>>


 2- Does my head look big in this ؟
 by Randa Abdel Fattah 
لينك فيديو من قناة Amal BOOKS 

 3- رواية عطارد للكاتب محمد ربيع 

 4- كتاب حكايات بعد النوم للكاتب السكندري أحمد الديب
 لينك فيديو من قناة الكتاب المرافق

 5- 451 fahrenheit Ray Bradbury فهرنهايت للكاتب راي برادبيري

 6- مذكرات شارلي شابلن charlie chaplin

7- كتاب أنا فيلليني federico fellini

8- كتاب ماذا علمتني الحياة ؟ لجلال أمين


10- كتاب الفاروسيان جسر الساحل الشمالي للكاتب حسن أنور أمين https://www.goodreads.com/book/show/29425659 

------------------------------------------------------------------------------  

** لمتابعة القناة بكل الفيديوهات والكتب اللي جايه دوس على اللينك : http://bit.ly/2fbuYCg


الاثنين، 5 ديسمبر 2016

رواية تحت سماء كوبنهاغن للكاتبة حوراء النداوي Hawra al-Nadawi

رواية تحت سماء كوبنهاغن للكاتبة حوراء النداوي



قناة كتاب قبل النوم شاركت هذا الشهر - شهر نوفمبر - مناقشة الكتاب مع مجتمع البوكتيوبرز العرب على تويتر وكانت رواية تحت سماء كوبنهاغن للكاتبة العراقية حوراء النداوي  Hawra al-Nadawi ، وهي من ضمن ترشيحات البوكرالعربية لعام ٢٠١٢.
الجميل في الرواية أن الكاتبة حوراء النداوي كتبت عما تعرفه جيدا وهو حياة المهجر والغربة حيث سافرت إلى الدنمارك وهي طفلة صغيرة كبطلة روايتها هدى في (تحت سماء كوبنهاغن) مع أب وأم هاربان من ظلم واستبداد حكم ديكتاتوري متعصب، فنجد استفاضة بوصف شوارع ومناطق محددة بالمدينة ومعاناة الجالية العراقية مابين التمسك بقيمها المورثة وبين ضغط المجتمع الغربي وتأثيره.





وقد وصفت حوراء الأجزاء الأولى بالرواية حالة المجتمع و صور تفاعل أفراده بشكل رائع وفيه كثير من العمق بالإضافة لأسلوبها المميز وحصيلة لغويتها الملحوظة من خلال صفحات الكتاب، فكان من المؤكد بعد كل هذا حقيقة ميلاد كاتبة واعدة لها مستقبل كبير.

أحداث الرواية :


في الحقيقة ومع بداية انتقال بطلة الرواية هدى لفترة المراهقة وحتى نهاية الرواية استمرت الأحداث بالانهيار وتحولت الرواية إلى كتاب سيرة ذاتية أو الأفضل أن نوصفها بالخواطر،وانحرفت حوراء عن الفكرة الهامة أي حياة المهجر وعمق عرضها إلى قصة حب عادية بين امرأة ورجل متزوج غير راض عن زواجه وبالتالي انتقصت من قيمة الرواية وهدفها.
هدى بطلة رواية تحت سماء كوبنهاغن قررت كتابة مذكراتها وترجمتها للغة العربية ومن هنا يتم ظهور الشخصية الرئيسية الثانية وهي رافد الرجل المتزوج عراقي الجنسية ومهاجر أيضا للدنمارك، ومع بداية تلك اللحظة تتحرك مشاعره إلى هدى التي يكتشف عنها وعن حياتها الكثير من خلال ترجمته لمذكراتها. 

المناقشة :


وكان من ضمن ماتم نقاشه على تويتر مع مجتمع البوكتيوبرز العرب هي مقولة ارتبطت بالرواية مع بداية انتشارها .. و كون الكتاب يتحدث عن قضية لن يقدرها أو لن يستطع الشعور بها سوى المغتربين عن أوطانهم ،واعتقد أن الرواية لم تقتصر على تلك النقطة بل تشعبت لأمور مختلفة تتشابه مع مجتمعات مختلفة ليس فقط المهجر وبالتالي لم تنطبق العبارة هنا.

التقييم :

في النهاية للأسف الرواية كانت محبطة لي وكنت اتمنى لو استمر الحديث عن معاناة عرب المهجر بصورة أطول .. تقييمي لرواية تحت سماء كوبنهاغن للكاتبة العراقية حوراء النداوي نجمتين من خمسة على موقع الجودريدز .

المصادر :