حـقيقي أم وهـم ؟
الكتاب إصدار سنة 2006 عبارة عن 9 فصول غير المقدمة ونبذه عن المشاركين في آخرالكتاب بالاضافة لملخص آخر كل فصل ، عدد الصفحات بالكتاب 184 صفحة النسخة الانجليزية و 200 باللغة العربية .
الطباعة من النوع الممتاز القيم وشكل الغلاف جذاب بتصميم أنيق ، النسخة العربية من إصدار مكتبة جرير السعودية لسنة 2009
أولا :
موضوع الكتاب : قانونو الجذب law of attraction
هو فكرة فلسفية ميتافيزيقية مبنية على مبدأ like attracts like أي الشئ يجذب الشبيه له وإن الأفكار لها قوة مغناطيسية تجذب إليها كل الأشياء الشبيهة لها أو تحمل نفس التردد وبدايته كانت مع جايمس آلان في كتاب (كما يفكر الانسان - هكذا الانسان ) سنة 1902
من هنا لابد ذكر مصطلح ال Pseudoscience أي أشباه العلوم
وهو ما يقال على مجموعة المعارف أو المناهج أو المعتقدات أو الممارسات التي تدعي أنها علمية لكن لا تتبع الطرق المعروفة للمنهج العلمي ولا تخضع لقواعد قابلية الفحص المشروطة في المنهج العلمي
للتبسيط : أي تجربة تحتاج سلسلة من الإثباتات لتأكيدها ووضع قوانين ومنهج ليسير عليه أي عالم آخر يريد استخدام نفس التجربة في مثلا بحث آخر لكن قانون الجذب لا ينطبق عليه تلك الصفة وبالتالي يعد من أشباه العلوم
ثانيا :
المؤلفة : روندا بايرن Rhonda Byrne 
منتجة وكاتبة تلفزيون استرالية الجنسية من مواليد 1951 وأشهر أعمالها فيلم السر اللي حولته لكتاب يعدها
وكتاب السر هو واحد من سلسلة كتب كتبتها مكونة من 5 أجزاء
ثالثا :
التصنيف : تنمية ذاتية أو Self Help
رابعا :
أسلوب الكاتب :
الكتاب مكون من اقتباسات لمجموعه من المشاركين هم أصدقاء لروندا ومعظمهم إما مدربين لعلوم التنمية الذاتيه وتطوير الشخصية او خبيري علوم ماوراء الطبيعة والعلاج بالطاقة ومحاضرين .. الخ
طبعا بالاضافة لما كتبته روندا واسلوب الكتاب سهل وبسيط ومباشر بشكل كبير زي أغلب كتب التنمية الذاتية
لكن كان فيه مشكلة التكرار واللي خلاني أحس بالملل ، أدركت إنه مقصود كل ما أتابع القراءة وفكرني بمبدأ الزن على الودان أمر من السحر
خامسا :
تأثير الكاتب :
ماحدش يقدر ينكر إن الكتاب نجح نجاح كبير وانتشر عالميا بشكل مرعب واترجم ل 44 لغة واتباع أكتر من 40 مليون نسخة للكتاب و 2 مليون نسخة للفيلم و دفع علماء وصحفيين لمناقشته سواء لمدحه والتصديق عليه أو ذمه وانتقاده
سادسا :
عرض الفكرة :
المبدأ بسيط بيتلخص في تلات خطوات هم : اطلب - آمن - استقبل = Ask - Believe - Receive
وربطت قانون الجذب بالفيزياء الكمية غير تشبيهه بقانون الجاذبية الأرضية وربطت أقوال لمشاهير زي آينشتاين وشكسبير وغيرهم بالكلام عن السر والقوة الكامنه في الكون لكن من أكثر الأمور انتقادا في فكر الكتاب خاص بالجزء اللي اتكلم فيه عن مسؤولية الأحداث السلبية على ضحاياها بحجة إن التركيز على الشئ يزيده زي المرض والفقر والحرب وخلافه ز
ومن الأفكار اللي تم عرضها كمان هو إننا أصبحنا في عهد طب الطاقة حيث يمكننا استخدام السر وقانون الجذب في علاج المرضى من كل الامراض بدون مساعدة وسائل طبية معروفة أخرى وتم ذكر كذا مثال لحالات مشابهه بالكتاب.
سابعا :
رأيي الشخصي :
أحيانا كنت بتوه مابين كلام بيقول علم وكلام بيقول صدق الآن بدون شك ومش مهم إزاي بيحصل المهم إنه واقع .. هل الكتاب كان بيثبت قانون فعلا متواجد بالطبيعة على حد ذكره أم كان بيحاول يقنع الناس بمعتقد جديد تحت مسمى القوة أو الطاقة أو حتى الكون .. وفكرة الكتاب بتفكرني جدا بخيال عالم أفلام Star Wars
و خصوصا بذكرهم أحيانا لكلمة The force = The power = Energy
كلها في النهاية مسميات واحده وبتوصل لنفس النتيجة .. خليك عايش في خيالاتك وأوهامك واحلم باللي نفسك بيه وهو ح يجي لحد عندك ...
كلها في النهاية مسميات واحده وبتوصل لنفس النتيجة .. خليك عايش في خيالاتك وأوهامك واحلم باللي نفسك بيه وهو ح يجي لحد عندك ...
وسؤال تاني .. إيه موقف الشر وأصحاب الضمائر الميتة من الموضوع ؟؟
يعني مثلا مثلا واحد زي
Gru - Despicable me ..
لو استعملوا السر وقانون الجذب يقدروا يحققوا حلمهم في السيطرة على العالم بدل ما كانوا بيفشلوا كل مرة
ده في عالم الكرتون والخيال ما بالك في العالم الواقعي إيه ممكن يحصل خاصة إنه مذكور في الكتاب المهم الايمان بالفكرة ماحدش جاب سيرة النية الطيبة
صحيح أنه ذكر ماينفعش تفكر في الأمور السلبية زي الحرب والفقر وماشابه لكن ده فقط في حالة لو كنت عاوزة توقفهم وتمنعهم لان زي ماقلنا التركيز على الشئ بيزيده وحتى الأعداء ماينفعش تفكر في الانتقام منهم أو الدعاء عليهم
أخيرا الترجمه فيها عيب خطير وهو أسلمة الكتاب وربط كلمة القوة أو الكون بالله سبحانه وتعالى وفكرة الامتنان بالحمد لله وعلى ما اعتقد من قرائتي للنسخة الانجليزية مش ده المقصود ومع احترامي للناس اللي بتربط الكتاب بالإسلام ونسب حديث ( تفائلوا بالخير تجدوه ) كحجة وإثبات فللأسف دي مقولة وليست حديث صحيح وتقدروا تبحثوا عن الموضوع أما عن
( أنا عند ظن عبدي بي ) فنرجع ونقول الكتاب ياجماعة مش بيتكلم عن الخالق الله سبحانه وتعالى ولا علاقة لما تريد الكاتبة إثباته في الأصل وهو قانون الجذب.
المصادر :
** http://www.thesecret.tv
** https://en.wikipedia.org/wiki/Pseudoscience
** https://skeptoid.com/episodes/4096
** http://rationalwiki.org/wiki/Law_of_attraction
** http://gawker.com/5613843/the-secret-the-power-and-the-scam-that-never-ends
